२१ पुस दाङ । दाङमा १४ वर्षीया बालिकामाथि सामूहिक बलात्कार आरोपमा तीन जनालाई पक्राउ गरेको प्रहरीले जनाएको छ ।
इलाका प्रहरी कार्यालय तुलसीपुरका अनुसार पुस १३ गते ती बालिका र एक किशोर तुलसीपुर उपमहानगरपालिका–१२ स्थित टरिगाउँ फुटबल मैदान अगाडि जंगलमा गएका थिए।उनीहरू जंगल पुगेपछि एकाएक त्यहाँ थप तीन जना किशोर आए र घेरा हाले। उनीहरूले ती बालिकासँगै गएका किशोरलाई बाँधे। र, बालिकालाई केही पर जंगलमा लगेर सामूहिक बलात्कार गरेको प्रहरीले जनाएको छ।दुई जनाले पालैपालो बलात्कार गरेको तथा अरूले बलात्कारमा सघाएको आरोप उनीहरूमाथि छ। तीन जनालाई नियन्त्रणमा लिए पनि एक जना अझै फरार रहेको इलाका प्रहरी कार्यालय तुलसीपुरले जानकारी दिएको छ।
